VEDTEKTER  

• 1 Namn og organisering

Handalag Opplæringskontor (HO) er organisert som ei foreining og er eigd av dei verksemdene som betalar ordinær medlemskontingent.  

Det geografiske arbeidsområdet skal vera midtre deler av Hordaland. 

• 2 Føremål

HO skal saman med medlemsbedriftene ha ansvar for å driva fagopplæring i samsvar med Opplæringslova. 

• 3 Medlemskap

• 3.1 Medlemsskap vert inngått ved at verksemder teiknar avtale om at HO skal vera samarbeidsorgan i samsvar med Opplæringslova § 7.12.

• 3.2 Medlemmer som har kontrakt med lærling(ar) der HO er samarbeidsorgan har 12 månaders oppseiingstid. Utmelding må skje skriftleg. 

• 3.3 Vesentleg brot på avtale eller vedtekter er gyldig grunn for oppseiing av avtalen.

• 4 Årsmøtet

• 4.1 Årsmøtet er opplæringskontoret sitt øvste organ
• 4.2 Årsmøtet skal haldast innan utgangen av mars
• 4.3 Innkalling skal sendast ut minst tre veker før årsmøtet. 
• 4.4 Saksliste med vedlegg skal sendast ut seinast ei veke før årsmøtet. Innkalling og sakliste med vedlegg kan sendast elektronisk.
• 4.5   Sakliste til ordinært årsmøte: 

1. Godkjenning av innkalling og sakliste  

1. Val av møteleiar og referent  

1. Val av to til å skriva under møteprotokollen  

1. Årsmelding  

1. Rekneskap  

1. Medlemskontingent og fordeling av tilskot 

1. Rettleiande budsjett / handlingsplan 

1. Val av styre og styreleiar 

1. Val av valnemnd  

1. Val av revisor  

1. Innkomne forslag 

• 4.6 Årsmøtet skal vedta medlemskontingent og avgjera kor stor del av tilskotta som skal betalast til lærebedriftene i inneverande år og gi føringar for påfølgande år
• 4.7 Framlegg til årsmøtet må vera styret i hende seinast to veker før årsmøtet.
• 4.8 Kvar medlemsverksemd har ei røyst på årsmøtet. Ved stemmelikskap, unnateke ved val, har møteleiaren dobbeltstemme. Ved stemmelikskap i val av styremedlemmer skal det trekkjast lodd. 
• 4.9 Styret, eller minst ein tredel av medlemsverksemdene kan krevja ekstraordinært årsmøte. Innkallinga skal då gå ut med 2 vekers varsel.

• 5 Styret

• 5.1 Styret er HO sitt øvste organ mellom årsmøta.
• 5.2 Styret skal vera sett saman av leiar, tre til fem medlemer og to varamedlemer. Leiar og styremedlemer skal representera medlemsverksemdene. Det skal vera minst ein representant for arbeidsgjevarane, minst ein representant for arbeidstakarane og ein representant for lærlingar og lærekandidatar, jamfør forskrift til Opplæringslova §6.18.
• 5.3 Styreleiar, styremedlemer og varamedlemer vert valde for to år om gongen.
• 5.4 Styret skal kalla inn til årsmøte etter gjeldande vedtekter.
• 5.5 Styret tilset dagleg leiar og fastset løn. Dagleg leiar har fullmakt til å tilsetja andre medarbeidarar. Dagleg leiar og styret er ansvarlege for at HO vert drive i samsvar med gjeldande lover og regelverk, vedtekter og i samsvar med økonomiske føresetnader og årsmøtevedtak. Vesentlege investeringar og endringar i drifta skal godkjennast av styret.
• 5.6 Styret har arbeidsgjevaransvar for dei tilsette i HO 
• 5.7 Styret skal vedta/endra reglar for bruk av fond for lærlingar.
• 5.8 Styret gjer vedtak om evt ekskludering av medlemsverksemder.
• 5.9  Styret skal godkjenna avtale om medlemskap i HO. Avtalen regulerer ansvarsområde og arbeidsoppgåver mellom HO og medlemsverksemdene. 
• 5.10 Styret er vedtaksført med tre medlemmer

• 6 Endring av vedtektene

• 6.1 Endring av vedtektene kan berre gjerast av årsmøte og krev 2/3 fleirtal av dei frammøtte.
• 6.2 Framlegg til vedtektsendringar skal sendast ut saman med innkalling til årsmøtet

• 7 Nedlegging av kontoret

• 7.1 Vedtak om nedlegging av kontoret kan berre skje etter vedtak på to etterfølgjande årsmøte med 2/3 fleirtal av dei frammøtte i begge møta.

• 7.2 Ved nedlegging skal midlane i  ”Fond for lærlingar” fordelast mellom medlemene etter oppsette reglar.